VOV4.M’nông: Ôi lơ 17/11, ta Hà Nội, Ntŭk kan ntoh măt ăp nau dơi bah Nhật Bản ta Việt Nam wa Ta-ki-ô Y-a-ma-đa ndrel wa Ra-na Phờ-lau-ơ, Kruanh ntpoh măt ân tơm prăk kon se Liên hợp quốc (UNICEF) ta Việt nam hŏ kí nau ntrŭnh tâm rgâl “Bôk nau kan n’hao nau dơi njrăng rdâng nau tât khuch bah trôk nar lơh ndrel rgâl mhe trôk nar ân kon se”. Bôk nau kan aơ yor Chính phủ Nhật Bản kơl an bah Tơm prăk kơl an kon se Liên hợp quốc ta Việt Nam, rnoh 5,7 rkeh đola ân ntơm năm 2021-2026. Tâm nau kan mra nchrăp ân kon se, rnăk vâl ndrel nsum mpôl ăp nau mhe, ăp nau dơi gay ma rdâng đah nau rgâl mhe trôk nar ndrel nau khuch tâm nkuăl miền Trung ndrel Đồng bằng sông Cửu Long, tâm nê geh 9000 kon se geh rgâl ăp nau kan mpeh dak ndrel răk kloh ndrel 10 rbăn kon se tâm dâng 5 năm mra geh kơp uănh săch njrăng nŭih brêt têh gay ma geh nau kơl an năn tâm năm 2025./.

Nŭih rblang: H’Thi