VOV4.M’nông: Kruanh n’gâng kan Bộ công thương Đặng Hoàng An hŏ geh rơh kuăl điện thoại tâm nchră đah Kruanh n’gâng kan Công thương Séc Martina Tauberova ndrel tâm nchră du đê̆ nkô̆ nau, nau nchrăp ân rơh khâl bah Thủ tướng Séc An-drây Ba-bít tât Việt Nam. Ta rơh tâm nchră, kruanh n’gâng kan Bộ công thương Đặng Hoàng An mbơh tâm rlau du năm ma aơ, đah nau nsôih bah Đảng, Ngih dak ndrel Chính phủ ndrel nau tâm ban nuih n’hâm bah ƀon lan, Việt Nam hŏ ƀư geh dơi “nkô̆ nau bar ntil kan” lah nkre njrăng rdâng srê săk tam nkre ndâk tay nau kan văng sa, rêh jêng. Kruanh n’gâng kan ŭch ntrŭt dăng tâm boh tăch rgâl ndrel ntuh kơl 2 dak. Kruanh n’gâng kan đă Bộ công thương bar dak lŏ tâm rgop ngăn, nchrăp ân ueh ân rơh khâl bah Thủ tướng Séc Ba-bít tât Việt Nam. Wa rnơm lah, rơh khâl aơ mra leo nau tâm boh 2 dak jêng tâm boh kan ơm ueh đah 2 dak hao du nhoat mhe./.

Nŭih rblang: H’Thi