VOV4.M’nông: Kêng măng 26/7, ta Hà Nội Trung tướng Lương Tam Quang, Kruanh n’gâng kan Công an vơt wa Christopher Klein, Ntoh măt Hoa kỳ ta Việt Nam. Ta nar vơt, Kruanh n’gâng kan Lương Tam Quang lah ueh ntoh măt Christopher Klein ndrel ntoh măt bah Hoa Kỳ ta Việt Nam tâm rơh rlau aơ hŏ geh âk nau rgop ngăn, ntrŭt dăng nau tâm boh kan nsum ăp ding Việt Nam-Hoa Kỳ, kŏ kơt lah nau tâm boh đah N’gâng kan Công an Việt Nam ndrel ăp ntŭk kan tâm boh nsum Hoa kỳ hun hao ueh, lăp tâm nau jru, săk tam, ngăn. Ntoh nuih n’hâm tâm boh đah 2 dak, tâm nê geh nau kan mât rnă njrăng, cảnh sát 2 dak nar lơn ma nâp, Lah rjăp, N’gâng kan công an Việt Nam mra tâm nchră, tâm rgop ngăn đah ntŭk kan ntoh măt bah Hoa Kỳ ta Việt Nam kơl an nau geh dơi nsum bah bar dak, rgop nau rklaih. N’huch nau tâm nkhah tâm nau tâm boh 2 ding, ƀư nâp nau tâm rnơm, leo nau tâm boh nar lơn jru lơn./.

Nŭih rblang: H’Thi