VOV4.M’nông – Ôi aơ (10/6) ta Hà Nội, N’gâng kan tuch tăm mât rong n’hanh hun hao ƀon lan ƀư rƀŭn nchră trực tuyến mkra n’hao săk rnglăy joi ƀư, ê nkra, tăch tui ka năm 2021. Bôl geh khuch bah srê Covid-19, năm 2020 nău ƀư nkra njêng joi hôm e mât hao jêng, ngăch hao khlay nkra njêng tui ka n’hanh dĭng lĕ geh tui kan năm 2020 hao nkôp đah năm 2019, đah 3,85 rkeh tấn; geh prăk tăch n’gluh 8,6 rkeh đôlar, tâm nĕ tui ka joi geh 3,2 rmen đôlar. Tĭng năl lah nsum, srê Covid-19 jêr jŏt, trong tâm pă ndơ tui ka tăch proăt ta âk ntŭk tăch n’gluh; Rnoh khlay tui ka hŭch; Mbơh lor “trong pơk têh” bah Ủy ban Châu Âu mô hŏ dơi dôh rklaih khuch tay tât nău tăch n’gluh tui ka lah ăp nău jêr jŏt ma nău kan tui ka dôl geh.

Nŭih rblang: Y Sưng Phê Ja