VOV4.Mnông- Ôi nar 8/11 tĭng mông Nhật Bản, Nhật Bản mbra pơk mpông vơt dơn tay ăp nuĭh nti n’hanh pah kan ta Việt Nam tât pah kan lôch âk khay mô dơn kan yor nău khuch tât bâh nuh srê Covid-19, đah ăp nău mpeh chuh n’gang vačcine n’hanh an gŭ nkhah êng. Gay ma dơi lăp ta Nhật Bản, nuĭh pah kan an geh tĭng nău kơl kan njrăng nuh srê mhe bâh chính phủ dak aơ. Na nê̆, đah nuĭh lĕ lôch chuh n’gang tŏng 2 nglai vacxin dŭt đê̆ lah lôch 14 nar đah 1 tâm 3 ntil vacxin geh an dŏng ta Nhật lah Pfizer, Mordena, Astrazenca n’hanh geh xét nghiệm PCR mô geh srê tâm 72 mông ê lor tât ta dak aơ, rĭ nar gŭ nkhah êng ta jay hôm 3 nar dơm. Đah ăp nuĭh ê hŏ chuh tŏng vacxin mô lah chuh đah ăp ntil vacxin êng 3 ntil vacxin mhe mbơh nĕ, rĭ rlău ma nău geh xét nghiệm PCR mô geh ntưp srê tâm 72 mông ê lor tât ta dak aơ, hôm nha geh gŭ êng ta jay 14 nar lôch tât ta Nhật Bản.

Nuĭh rblang: Thị Đoắt