VOV4.M’nông: Chánh văn phòng Chính phủ Nhật Bản Kato ân lah, nau kan Thủ tướng Nga Mi-khai-il Mi-su-xờ-tin khâl gôl dak Ê-tô-phư-tô, (nkuăl neh Phương Bắc tĭng nau kuăl bah Nhật Bản, gôl dak Ku-ril tĭng nau kuăl bah Nga) lah nau mô ueh. Bah năp nê, Chính phủ Nga ndŏ nau mbơh lah, Thủ tướng Nga Mi-kha-il Mi-su-xờ-tin khâl Si-be-ri ndrel nkuăl mpeh bah dâng ngăn bah E-to-fu-to tă bah lơ 26-29/7. Wa Ka-to lah rjăp rơh khâl aơ yor rđau kan gưl prêh bah Nga ƀư lah mô dơi ndơn, nkra nkah tay nau kan Nhật Bản hŏ tă geh nau ân lah, rđau kan gưl prêh bah Nga tât nkuăl gôl dak mpeh ba lơ ri Nhật Bản mra nsrŭng ăp nau mêt uănh khân Nga tâm ăp gưl. Chính phủ Nhật Bản hŏ jă ntoh măt bah Nga ta Nhật Bản gay ma mbơh nau ndun lah aơ./.

Nŭih rblang: H’Thi