VOV4.M’nông – Chính phủ Nhật Bản kuăl jă nuĭh ƀon lan dak aơ ta nkual Gaza n’hanh ăp nkual kiău ma trơn dâl rnôk ăp rơh tâm lơh đah N’gâng kan Hamas n’hanh Israel nar lơ hao. Tĭng nĕ, N’gâng kan tâm rnglăp nchră nău Nhật Bản lĕ n’hao rnoh mô lap ta Gaza bah rnoh 3 lah “đă rlu pâl nđaih” hao rnoh 4 lah “đă trơn” yor nău tâm lơh dôl geh đah Israel n’hanh Palestine. N’gâng kan aơ an gĭt mbra dŭt jêr gay Đại sứ quán Nhật Bản ta Israel ƀư ngăch gay ntop kơl nuĭh ƀon lan Nhật Bản rnôk ăp nău ƀư trơn dôl geh đêt ta ăp ntŭk uănh nđôi bah Israel. Nkre Kruanh nchră nău Nhật Bản Motegi mĭn lah, nău mĭn êng nươm bah Nhật Bản lah kuăl jă lĕ nuĭh Israel n’hanh Palestine ƀư nkân nkân, 2 ding an lôch dâl ăp nău ƀư tâm lơh geh n’ăp nklŭp bom.

            Nŭih rblang: Y Sưng Phê Ja