VOV4.M'nông: Chính phủ Nhật Bản dôl geh trong nchrăp tâm pă dŭt đêt 770 rmen yên (bơi tâm ban 6,74 rmen đôlar) an tahen njrăng n'gang neh dak tâm tơm prăk kơi ntop tay nchrăp mbra dơi mbơh ndrel đah rnoh ntrŭt nsôr wăng sa tâm nar (19/11). Tĭng hãng tin Kyodo, aơ mbra lah rnoh prăk dŭt têh an njrăng n'gang neh dak kơi ntop tay- nchrăp rlău rnoh dŏng 430 rmen yên an tơm prăk kơi ntop bah năm dŏng prăk kaih 2019 n'hanh mbra lĕ ma tơm prăk dŏng an nău n'hao nău dơi njrăng n'gang neh dak bah Nhật Bản dăch kêng ăp gôl dak mpeh bah dâng nhâp nar. Nhật Bản hŏ bah ơm hŏ ton mât rnoh prăk an njrăng n'gang neh dak bah dak dja tâm n'glĕ 1% GDP, yơn đah klach rvê nar lơn ma hô mpeh nău kan tahen bah Trung Quốc ta dak lêng Hoa Đông dôl tâm pit, Đảng Dân chủ Tự do (LDP) mât bôk bah Nhật Bản hŏ ndơ̆ rnoh dŏng 2% GDP let lơ an tahen tâm cương lĩnh trong kan bah đảng dja./.

Nuĭh rblang: Điểu Thân