VOV4.M’nông – Ôi nđaơ, chính phủ Nhật Bản ntơm râng ôp đah ăp nuĭh way kan tâm Ủy ban mbơh ntĭm mpeh nău kơl rdâng đah Covid-19 mpeh dăn đă an nu nău ndal mpeh Covid-19 ta Tokyo n’hanh jŏ đah n’gor Okinawa tât nar 22/8. Kruanh N’gâng kan ndâk njêng tay wăng sa wa Nishimura an gĭt, jêh rnôk dơi tâm nchră đah ăp nuĭh way kan, dăn đă aơ ndrel đah ăp trong mkra na nê̆ dơi mbơh an bah năp Quốc hội. Jêh nĕ, Thủ tướng Suga Yoshihide mbra mbơh nău ntrŭnh aơ bah năp nuĭh nchih báo. Aơ lah rơh tal 4 du nău mbơh kơt nĕ dơi an ta Tokyo. Tĭng nĕ, Tokyo mbra rgâl bah “ăp trong kơl lor” nking n’gang ntưp rêng an nu nău ndal tâm nar 12/7. 4 n’gor Saitama, Chiba, Kanagawa n’hanh Osaka mbra njong ăp “trong kơl lor” an tât nar 22/8. 5 n’gor Hokkaido, Aichi, Kyoto, Hyogo n’hanh Fukuoka mbra dơi rơih jăng “ăp trong kơl lor” tâm nar 11/7.

Nuĭh rblang: Y Sưng Phê Ja