VOV4.M’nông: Kruanh n’gâng kan neh dak Nhật Bản ndrel nŭih ndrel gưl kan Malaysia hŏ geh nar rƀŭn trực tuyến, bar ding ntoh nau rvê mpeh nau kan luật kan mhe bah Trung Quốc ndrel nau kan ta Myanmar. Ta nar tâm nchră, Kruanh n’gâng kan neh dak Nhật Bản Nobuo Kishi lah rjăp nau khlay ndrel mâp “Ấn Độ Dương-Thái Bình Dương dah rŏng ndrel pơk mpông”. Bar ding lah rjăp nau tĭng luật páhp lam ntur neh, tâm nê geh nau tâm ton Liên hợp quốc mpeh Luật dak lêng 1982, nkre rvê luật mhe bah Trung Quốc ân tahen dak lêng geh dŏng phao bleo. Mpeh nau rŭng răng chính trị ta Myanmar, Kruanh n’gâng kan neh dak lah rjăp lŏ uănh nau ndrel tâm boh rjăp. Êng nê, N’gâng kan neh dak Nhật Bản kŏ nduih nau pănh phao ŭnh bah Triều Tiên tâm khay bah năp./.

Nŭih rblang: H’Thi