VOV4.Mnông – Bah meng rƀŭn nchră kruanh nchră nău rmôt ăp dak công nghiệp hun hao G7 ƀư ta Anh, Kruanh nchră nău Nhật Bản Motegi n’hanh nuĭh tâm ban gưl kan Hàn Quốc Chung-Uy Giăng lĕ geh rơh tâm nchră bôk năp jêh rlău du năm tâm rnôk tâm boh ăp ding dôl plơ̆ tay duh jêr. Yơn lah, 2 ding lĕ mô rgum êp tâm ƀah đah ăp nău geh tât lịch sử rnôk tâm lơh n’hanh ntrŭnh pơk dak phóng xạ lĕ jêh mkra luh dak lêng bah Nhật Bản. Aơ lah rơh bôk năp 2 kruanh nchră nău tâm mâp n’hanh đê̆ đŏng 2 hê lĕ mô geh kuăl điện thoại tâm nchră kơp bah wa Chung-Uy Giăng  dơn nău kan bah rnôk khay 2 an saơ nău tâm boh đah 2 dak rnôk bah năp mô uĕh tay. Jêh rơh mâp aơ, bôl tâm boh 2 dak hôm geh mpeh âk ăp nău yơn 2 ding lĕ tâm ban ŭch mât tay tâm ôp gay nsrôih rdâk nkra tâm boh tâm năm tât.

Nuĭh rblang: Y Sưng Phê Ja