VOV4.M’nông – Nar 17/5, Chính phủ Nhật Bản ntơm an dŏng ăp ntŭk chuh vaccine njrăng Covid-19 têh hvi tă bah wơt dơn nchăm lor ăp rơh chuh. Nklăp 120 nai dak si tâm rmôt mât njrăng Nhật Bản n’hanh nkual ƀư êng lĕ râng ƀư hăn kan ta Ngih Chính phủ Otemachi mrô 3-thủ đô Tokyo-ngoay tâm âk ntŭk chuh têh ngăn. Ta Osaka nar ƀư tâm ban ta Ntŭk rƀŭn nchră lam ntŭr neh Osaka đah geh măt bah nklăp 100 nai dak si. Tĭng trong nchrăp, nuĭh ranh bah 65 năm let lơ, rêh ta 23 ntŭk bah thủ đô n’hanh nkual ƀon têh Osaka dơi dăn nchăm tâm trang web bah N’gâng kan mât njrăng bri dak mô lah tă bah ưng dụng “LINE”. Rơh chuh bôk năp nchrăp bah nar 24-30/5. Gay dêr nău âk ir, nuĭh ƀon lan ngăn bah ăp nkual ta Tokyo n’hanh Osaka mbra dơi nchăm bah nar 24/5 n’hanh chuh nchrăp ntơm tâm nar 31/5.

Nuĭh rblang: Y Sưng Phê Ja