VOV4.M’nông – Tâm nar rƀŭn mbơh ôi 25/6, Kruanh N’gâng kan tâm rnglăp nchră nău Nhật Bản, wa Motegi Toshimitsu an gĭt mbra pă tay 1 rkeh dĭng vaccine AstraZeneca an Việt Nam n’hanh 1 rkeh dĭng an Đài Loan (Trung Quốc). Rlău ma nĕ, nchrăp bah kơi nar 1/7, 4 dak Đông Nam Á êng lah Indonesia, Malaysia, Thái Lan, Philippines mbra dơi dơn 1 rkeh dĭng vaccine tâm ban ma nĕ. Aơ lah bôk nău kan pă an 30 rkeh dĭng vaccine an ăp dak dôl hun hao bah Nhật Bản. Bah năp nĕ, nar 16/6, Việt Nam lĕ dơi geh 1 rkeh dĭng vaccine bah Nhật Bản ta tanh ndeh păr quốc tế Nội Bài, Hà Nội. Mpeh nkô̆ nău an ma mô geh tă bah ngih pah kan, rmôt kan lam ntŭr neh, Kruanh nchră nău Motegi nkoch kloh yor mô geh nar mbơh an ngih pah kan lam ntŭr neh mbra jŏ, nău êng, aƀaơ ăp dak dơi ntop kơl mô knŭng mô tŏng vaccine ma nu nău ntưp dôl hao, jêng an tŏng ăp mông nar.

Nuĭh rblang: Y Sưng Phê Ja