VOV4.M’nông: Bah năp nau mhe aơ Trung Quốc hŏ pănh rlong phao ŭnh mô tăng nteh geh nau ngăch rlau 5 tŏ nau mô tăng nteh, Chánh văn phòng Chính phủ Nhật Bản Hi-rô-ka-zư Mát-sư-nô hŏ ntoh nau rvê ngăn mpeh nau kan aơ. Wa Mát-sư-nô ân lah, Trung Quốc ƀư ndal nau kan hun hao ndrak nsiu ntil mô tăng nteh gay n’hao nau rdôl lah bah nơm. Êp aơ, nau kan Trung Quốc mbơh kloh, lŏ n’hao tơm prăk ân neh dak, n’hao nau ngăch ndrel nau dơi bah tahen geh n’ăp ma n’hâm dăng ndrak nsiu, phao ŭnh, pơk luh nau kan tahen ngăch tâm nkuăl dak lêng ndrel klơ trôk...mra jêng nau rvê ngăn đah nau rnă njrăng bah Nhật Bản, tâm nkuăl ndrel lam ntur neh. Mỹ ndrel Nga kŏ dôl rvê ƀư nau kan ntil ndrak nsiu mô tăng nteh ndrel mra dơi rgâl nau kan aơ tâm rnôk mpăr, ƀư ntil ndơ nê mô lăng geh bu uănh n’ôi lơn./.

Nŭih rblang: H’Thi