VOV4.M'nông: Tâm rnôk hăn khâl jong nar tât ăp dak Trung Đông (ntơm bah nar 15 tât 24/8), Ngoại trưởng Nhật Bản Toshimitsu Motegi hŏ geh rơh mâp na nê̆ lor bôk năp đah nuĭh ndrel gưl kan Palestin Riad Malki.

          Ta rơh tâm nchră, wa Motegi an gĭt, Nhật Bản mbra râng tay uĕh tâm nău pă an ndơ ntop kơl an Palestine, lĕ ma plơ̆ njêng tay Gaza n'hanh rdâng lơh đah nuh srê COVID-19. Tĭng nê, du nău tâm ton kơl dơm rnoh khlay 3,7 rkeh đôlar bah chính phủ Nhật Bản hŏ dơi ký ton gay tĭng ƀư bôk nău kan ntop kơl ndơ ngêt sa ma trong nhih pah kan ntop kơl ndơ n'hanh dâk kan bah Liên Hợp Quốc an nuĭh nchuăt du der Palestine ta nkual Cận Đông.

Nuĭh rblang: Điểu Thân