VOV4.M’nông: Nhật Bản dôl ŭch ntrôl ngăch lơn đŏng tâm boh jru hvi tâm âk trong kan đah Australia, lơn lah tâm trong kan njrăng n'gang neh dak. Tâm nkô̆ ôp đah báo chí Nuĭh Australia mhe nchih pơk, Đại sứ Nhật Bản ta Australia Yamagami Shingo mpơl nău mpŏng, tâm ton tât đah ndơ ơm geh (RAA) ma bar kruanh rđău kan Australia n'hanh Nhật Bản hŏ tâm ban ŭch n'hanh nău way tâm kêng dŭt năm e nơh mbra ơm dơi ƀư lôch jêh tâm kêng dŭt năm aơ gay ntơm jâng an nău tâm boh jru hvi n'hanh âk ntil lơn đŏng đah bar dak tâm trong kan njrăng n'gang neh dak. Đại sứ Shingo an gĭt, nău tâm ton dja mbra an tahen Australia tât Nhật Bản tiăr nti n'hanh mpôl tahen njrăng n'gang êng neh dak Nhật Bản mbra way hăn tât Australia gay tiăr nti đŏng. Đại sứ Shingo nkoch Nhật Bản dŭt ŭch dŏng ăp ntŭk tiăr nti ta nkual njônh ngai n'hanh ăp ndrak nsiu bah Australia tâm ban kơt râng tiăr nti nsum đah tahen dak lêng Australia đŏng./.

Nuĭh rblang: Điểu Thân