VOV4.Mnông- Ăp kruanh n’gâng kan nchră nău đah dak bah dih n’hanh mât rnă njrăng ngih dak Nhật Bản, Mỹ ntơm rơh tâm nchră trực tuyến ta ôi nar 7/1. Rơh tâm nchră gay ma n’hao tay lơn tâm rgop kan 2 dak tâm nău rdâng đah nău nsrôih kan tahen ăp nar lơ ma hao bâh Trung Quốc ta nkual Ấn Độ-Thái Bình Dương. Ntơm rơh tâm nchră, kruanh n’gâng kan nchră nău đah dak bah dih Nhật Bản Hayashi an gĭt, Nhật Bản ton mô rlu ntrôl rmôt kan ndrel mpŏng tât ƀư tĭng du ntrong kan “Du Ấn Độ Dương - Thái Bình Dương đăp mpăn n’hanh pơk hvi”. Tâm rnôk , kruanh n’gâng kan nchră đah dak bah dih Mỹ Antoni Blinken lah tay na nê̆ rmôt kan ndrel lah nău kan bâh đăp mpăn n’hanh rnă njrăng tâm nkual. Păng an gĭt, Mỹ, Nhật Bản dôl ntơm njêng du nău tâm ton mĭn uănh n’hanh hun hao mhe kơl ăp nuĭh kan khoa học n’hanh kĩ sư ntêt nkri siêu thanh tât nău n’hao nău dơi ta trôk.

     Nuĭh rblang: Thị Đoắt