VOV4.M'nông: Nhih pah kan dak si lam ntŭr neh mhe an gĭt njêng săk mhe bah kaman  SARS CoV-2 lah C.1.2 kơt lah mô lăng geh ma nău ntưp rêng hô kơt nău klach rvê n'hanh mpôl kan dak si dôl tĭng groi nđôi nău tât bah ntil njêng săk mhe dja. Bah năp nê, njêng săk C.1.2 năl saơ lor bôk năp ta Nam Phi tâm khay 5 mhe aơ ƀư klach rvê lam ntŭr neh, đah nău klach njêng ndal ƀư ntưp rêng ngăch lơn n'hanh chŏl đah vaccine. Nhih dak si neh dak mpeh ăp nău ji ntưp rêng ta Nam Phi hŏ ndơ̆ luh nău mbơh njrăng lor mpeh "ntil C.1.2" hŏ ntoh ta ăp n'gor ta Nam Phi, đah rnoh âk nuĭh ntưp đêt. Njêng săk dja ntoh ta 7 dak êng êng lam ntŭr neh. Yơn lah, tĭng nuĭh ntơh ngơi bah Nhih pah kan dak si lam ntŭr neh Margaret Harris, geh ma nău ntưp rêng bah njêng săk dja mô âk n'hanh C.1.2 mô hŏ nchih tâm săk ăp njêng mhe klach rvê bah Nhih pah kan dak si lam ntŭr neh./.

Nuĭh rblang: Điểu Thân