VOV4.M’nông: Njêng săk Delta aƀaơ lah nkô̆ ƀư jêng 83% lĕ rngôch rnoh nuĭh ntưp Covid-19 ta Mỹ. aơ lah nău hao dŭt âk đah nău jŏ rlău bar pơh dơm. Lah ta năp Ủy ban Y tế Thượng viện Mỹ, wa bu ur Rochelle Walensky, Giám đốc Ntŭk rgum mât kân n'hanh njrăng n'gang kop ji an gĭt, du đêt nkual bah Mỹ ntŭk geh rnoh nuĭh chuh n'gang đêt, rnoh âk nuĭh ntưp njêng săk Delta hôm âk rlău đŏng. Tiến sĩ Walensky leo du tơm nău gŭ mĭn bah Ntŭk rgum mât kân kop ji n'hanh nuh srê Mỹ ƀư tâm 5 khay, an saơ 99,5% nuĭh khĭt tă bah Covid-19 lơh ta ăp nuĭh mô hŏ tă geh chuh n'gang. Wa Walensky lah rjăp, lơn âk ăp nuĭh khĭt mbra dơi nking nchăng ma du ntil vaccine dŭt dơh thuk n'hanh đăp mpăn./.

Nuĭh rblang: Điểu Thân