VOV4.M’nông: Nau mbơh tă bah Công ty Điện lực Dak Lak, rơh êp aơ, Ntŭk kan mât chăm kơl an năch bah N’gâng kan Công ty Điện lực Miền Trung ndơn geh 9 tŏ kuăl mbơh bah năch nkoch tât nau geh bu sŏk dôih dŏng điện tă bah ăp mrô điện thoại bah nơm. Ta Dak Lak, geh ăp nŭih bu kuăl điện đă trok tât 50 rkeh prặ, đah nkô̆ nau chạm điện bah kơi công tơ, nkri lah mô ndŏ prăk ri mra koh lơi điện.

Bah nau uănh aơ, aơ lah ăp mrô điện thoại kuăl rlăm nŭih pah kan điện gay ma rlăm ƀon lan. Ntŭk kan điện nkah đă năch ân geh n’hao nau nkah njrằng ăp nŭih ƀư rlăm pah kan điện gay ma rlăm. Lah geh bu kuăl đă trok prăk, nŭih năch ân geh mbơh tât mrô 19001909 gay ma năn rklaih ân. Ntă năch ndơn nau mbơh tă bah ăp trong kơt SMS, Email, Website bah điện lực, tổng đài 19001908. Ndrel nau đă trok prăk đioện ân nŭih nơm mô năn mô lah njoăl prăk ê geh gĭt kloh tu tơm./.

Nŭih rblang: H’Thi