VOV4.M’nông: Rnôk aơ lam dak nơm hôm mô tŏng vắc xin gay ma đăp mpăn nau njrăng rdâng srê tâm ƀon lan. Ndăn nau ŭch chuh vắc xin bah ƀon lan tâm mạng ntoh âk nau jă ăp ntŭk kan, rmôt kan rvăt rnoh vắc xin njrăng rdâng srê Covid-19 mô lah chuh ân nŭih pah kan, nŭih pah nsum …gay ma der nau geh rlăm nau chuh n’gang vắc xin njrăng srê Covid-19 rlăm, mô kloh tu tơm, mô nâp tam, N’gâng kan dak si nkah ƀon lan mô dơi dŏng ăp ntil vắc xin mô kloh tu tơm aơ. N’gâng kan dak si nkah ăp n’gor, rmôt kan, ntŭk kan geh nau ŭch rvăt vắc xin njrăng rdâng srê Covid-19 ân geh tâm nchră đah nŭih tơm nkra, n’huch bah ăp trong rvăt ndranh ân. ĂP ntil vắc xin njrăng rdâng srê Covid-19 dŏng ta Việt Nam ân geh N’gâng kan dak si pă săm ƀŭt ân dŏng ân nau ŭch dŏng ndal tâm nau kan njrăng rdâng srê. N’gâng kan dak si kŏ lah: Vắc xin geh chuh mô roh prăk ân ƀon lan. Ndri ma, nŭih ƀon lan sâm gŭ kâp ân tŏ nơm geh chuh vắc xin njrăng rdâng srê Covid-19 rnôk ntŭk kan dak si mbơh. Nkre lah ân geh nkah bah năp ăp nau jă đăng ký chuh vắc xin njrăng rdâng srê Covid-19 nkoch mbơh tâm mạng xã hội, tin nhắn ndrel nau mbơh êng./.

Nŭih rblang: H’Thi