VOV4.M’nông: Ôi ntri (12/7), ta Hà Nội, Kruanh dak Nguyễn Xuân Phúc, Kruanh Hội đồng Quốc phòng n'hanh An ninh, Mât bôk lĕ rngôch ăp mpôl kan mât rnă njrăng ƀon lan râng lễ nkah ndray 75 năm Nar way ơm mpôl tahen công an mât rnă njrăng ƀon lan (12/7). Lah ta rơh lễ nkah ndray, Kruanh dak Nguyễn Xuân Phúc dăn đă mpôl kan mât rnă njrăng ƀon lan tâm moh rnôk ân way mât nâp nău way đăp mpăn rđău đă lĕ rngôch mpeh ăp ntil măt bah Đảng, nău mât bôk kan lĕ rngôch bah kruanh dak, nău tâm ban ŭch mât kan bah Chính phủ.

Nkre tĭng ƀư tay jăp, geh nău tam gung trong, trong nchrăp bah Đảng, trong kơl pháp luật bah ngih dak mpeh mât rnă njrăng neh dak; gĭt kloh nău dăn đă ŭch geh, nău kan ndơ̆ luh lah mât nâp rnă njrăng neh dak tâm ăp nău tât, mô an geh tât ndrât ndal. Kruanh dak Nguyễn Xuân Phúc dăn đă mpôl tahen công an mât rnă njrăng ƀon lan tĭng ƀư geh nău tam ăp nău mĭn, trong rƀŏng: Lor nchrăp mât rnă njrăng, ân nkre đah njrăng n'gang bah ơm, bah ngai ăp geh ma nău tât, nuĭh ƀư jêng geh ma nău roh đăp mpăn; sŏk nău njrăng, n'gang, mât nâp tâm trôm lah nău khlay, tâm nê mât rnă njrăng neh dak ân jêng tơm khlay gay rdâk njêng n'hanh hun hao neh dak./.

Nuĭh rblang: Điểu Thân