VOV4. M’nông: Kêng măng 26/3 ta thủ đô Viêng-chăn, Ban Cán sự Đoàn thanh niên Cộng sản Hồ Chí Minh ta Lào kan nsum đah Đại sứ quán, Trung tâm Văn hóa Việt Nam ta Lào ƀư Nkah ndray 90 năm nar njêng Đoàn Thanh niên Cộng sản Hồ Chí Minh. Ăp năm rlău aơ, dơi geh nău mât uănh rđău đă dăch dêh, nta trong dơh bah Đại sứ quán n'hanh Đảng uỷ ta Lào, Đoàn thanh niên Cộng sản Hồ Chí Minh ta Lào hŏ mât uĕh nău khlay kan mom ndăm, ngăch prăl, blău ƀư mhe tâm nău leo ƀư âk trong kan tâm rlong khuh n'gôr tâm đoàn viên druh ndăm, nkre đah nău kan Đoàn đah trong leo ƀư kơt nti yor ma nar ôi tay njêng nău kan; mât uĕh nău khlay ƀư tơm bah mom ndăm tâm ăp nău kan nsum mpôl kơt khay rlu nti râng kan êng, tâm rlong thể thao, râng njrăng n'gang nuh srê, mpơl dơi nău khlay tâm rnglăp, rgum âk mpưm đoàn viên, druh ndăm Việt Nam dôl kơt nti, pah kan, nuĭh kan ta Lào./.

Nuĭh rblang: Điểu Thân