Măng 5/1, ta Jay mprơ Hồ Gươm (Hà Nội), Radio nău ngơi Việt Nam (VOV) ƀư ăp bôk nău kan njroh mprơ “Đah Đảng nsing nơm lam lĕ rngôch nău dêh rŏng” rƀŏng tât Đại hội XIV bah Đảng. Bôk nău kan ndơ̆ rgum tơm tâm nău mpơl gĭt lor mpeh nău dêh rŏng n’hanh nău nsing nơm bah ƀon lan đah Đảng tâm rnôk rđău đă neh dak rlău jêr jŏt, ntul rlong; rgop jêng nuih n’hâm rhơn nđơr, tâm ban ŭch, rdâk tay nuih n’hâm tâm rnglăp, dơn kan n’hanh nău nđơr an lĕ nău gĭt blău. Đah tâm n’guăk pe gâl, gâl njroh mprơ nsĭt tât âk nău rhơn mƀak an nuĭh djăt uănh.

Chương I – “Nău neh dak” nsĭt an nuĭh djăt uănh plơ̆ sĭt đah tu tơm đah ăp nău mprơ n’hĭr, nău tâm pât, nău mprơ way ơm, njêng ntŭk gŭ rêh dăch dêh đah nău rêh ngăn, lăp tâng jru gay nklân djăt glo tơm văn hóa Việt Nam. Chương II – “Râp jâng rơh mhe” pơk luh du ntŭk gŭ rêh rvah hăn n’hanh rgâl mhe, nău mprơ prâng grung, uĕh mhe yơn nha hôm mât nuih n’hâm Việt, mpơl tâm râp jâng chuat têh hao bah neh dak tâm rơh lăp rgum. Chương III – “Săk gŭr huêng khlay” lah rdôl rdăl nău rhơn nđơr, mpư n’hao săk gŭr – ndơ ntĭt bah Đảng n’hanh neh dak. Ăp nău mprơ lŏng uĕh rlai lăp đah nău way ơm n’hanh blău ƀư njêng mhe, mpơl nău nsing nơm n’hanh nău nđơ̆r an lĕ nuih n’hâm gĭt blău, rƀŏng tât rdâk njêng neh dak têh dăng, srăch uĕh, ndrŏng kuâng.