Lor bôk năp nsĭt geh pâl nđaih Dak Lak tât rlău 13 rbăn rmen prăk, rlău 8% rđĭl đah trong nchrăp năm. Rnoh dja dơi n’gluh ta rnôk tâm nchră n’glôch jêh pah kan năm 2025, an ƀư nău dơn kan năm 2026 bah n’gâng kan Văn hóa, Thể thao n’hanh Pâl nđaih n’gor Dak Lak. Pâl nđaih Dak Lak geh njuat rgâl dăng đah nsĭt geh năm 2025 nchroh rlău 13.600 rmen prăk, rlău 8% trong nchrăp. Lĕ rngôch rnoh âk năch tât 7,3 rkeh tơ̆, hao rlău 16% rđĭl đah trong nchrăp.

Lam n’gor aƀaơ geh 782 ntŭk gŭ nde, hao 34 ntŭk rđĭl đah năm 2024, njêng jâng nsing gay năch pâl nđaih tĭng kơn jêng n’gâng kan wăng sa khlay bah n’gor. Năm 2026, n’gor Dak Lak ntrŏng ntik n’hao tay nău khlay kan bah văn hóa tâm rdâk njêng kon nuĭh n’hanh ntŭk gŭ rêh uĕh lăng; rgum nchrăp ăp ndơ ƀư Đại hội Thể dục thể thao ăp gưl; an ƀư geh nău tam Năm Pâl nđaih n’gor Dak Lak 2026, bah nê njêng suan ntrôl an hun hao wăng sa n’hanh hun hao jŏ jong tâm let năp tay.