Rơh rlu lễ 30/4 n’hanh 1/5 năm aơ, năch pâl nđaih tât Dak Lak mbra dơi uănh ngăn “Mpăr ka lơ trôk” ta Nar rgum Khinh khí cầu 2025, ƀư bah lơ 1 tât 3/5 ta xă Krông Na, nkuăl Buôn Đôn. Nău ƀư nchrăp geh 12 khinh khí cầu, tâm nĕ 10 mlâm rhŏ an năch pâl nđaih mpăr ngăn n’hanh 2 mlâm mpla nsơ ta Quảng trường 10/3 (Nkual ƀon têh Buôn Ma Thuột). Du rơh mpăr bah 5-10 mnĭt ta rnoh prăk 50m, khlay bah 140.000-800.000 prăk. Nchrăp mbra ntơm tăch nklăp 1.5000 vé (kak pâl).

Bah meng nău ƀư mpăr, năch pâl nđih hôm dơi râng ăp bôk nău ƀư văn hóa-ndơ ngêt sa kah, tâm nđŭr njroh mprơ way ơm bah ƀon lan. N’gor hôm ƀư trong ƀư văn hóa, thể thao kơt tŭr chĭng, âm nhạc trong nkual ƀon têh, mpla nsơ rup, ăp ndơ sa ntĭt mpơl êng... jêng mông nar pâl nđaih n’gŭr răm, geh âk nău uĕh Tây Nguyên.