Ƀư tĭng nkô̆ mpŏng jut jăng ngih rông mpông sat an rnăk ƀon lan, tât  rnôk aơ n’gor Kon Tum lĕ nkra mhe, ƀư mhe geh bơi tât 2.400 ngih jay geh bơi tât rlău 86% đah lĕ rnoh ngih rông mpông sat an geh ƀư mhe, nkra mhe. Tâm bơi tât 2.400 ngih jay geh n’gor Kon Tum mbơh tơih rdâk njêng mhe, nkra mhe lĕ geh 1.250 ngih jay ƀư lôch pă an ƀon lan lăp gŭ. Đah nău ƀư lôch lĕ rngôch lah 155 ngih jay, tâm nĕ geh 102 ngih jay rdâk njêng mhe n’hanh nkra mhe 53 ngih jay. Nkuăl Kon Rẫy lah ntŭk bôk năp ta Kon Tum mpeh jut jăng ngih truh sat an ƀon lan. Gay ma ƀư lôch nkô̆ mpŏng jut jăng ngih rông mpông sat an lĕ rngôch 2.752 rnăk ƀon lan tâm n’gor ta dŭt khay 6 tay, aƀaơ n’gor Kon Tum dôl rgum doh rklaih ăp nău jêr jŏt mpeh prăk kan, tâm nĕ geh tâm ton ntuh kơl tay du đê̆ ntŭk kan, doanh nghiệp.