Măng mprơ lah nău pă an lah ueh tât ăp nai nti di nar Nai nti Việt Nam 20/11. Ta bôk nău kan, ăp đại biểu n’hanh nuĭh uănh geh uănh ăp nău nghệ thuật ntoh lư yor ăp nghệ sĩ bâh mpôl njroh mprơ mpôl rnoi, Hội Văn học Nghệ thuật Dak Lak n’hanh ăp nai nti, kon hoc ăp ngih nti THPT ta nkuăl ƀon têh Buôn Ma Thuột njroh mprơ.

Tâm lĕ bôk nău, nuĭh uănh geh gĭt du nău njroh mprơ âk nău ueh, bâh nău mprơ way ơm tât nău mhe đah nău njroh “dân nước Nam” tât ăp nău ntoh n’gôr bâh nău njroh Tây Nguyên mô lah ăp nău ueh bâh nău mprơ rnê nai nti n’hanh ngih nti.