Jêh 3 nar geh khuh n’gôr, măng 20/11, Nar rgum ăp nau ơm bah ăp rnoi n’gor Dak Lak hŏ lôch. Đah nkô̆ “Rgum âk ntil nau ueh”, Nar rgum nau ơm ăp rnoi bah n’gor Dak Lak năm aơ geh ƀư ntơm lơ 18-20/11. Rơh bôk năp geh ƀư tâm gưl n’gor, đah 10 nau kan tơm ndrel 2 nau kan ƀư kơt tĭng, nar rgum aơ geh rlau 800 nŭih bu ranh, nŭih mom ndăm râng ƀư tă bah 15 nkuăl, nkuăl têh, nkuăl ƀon têh bah Dak Lak râng.

Tâm nê, Bôk nau ntơm ƀư kan đah âk nau ơm yau bah ăp rnoi, nau tâm rgop nsum đah nau njroh mprơ ơm ndrel nau mhe, tâm rnglăp nsum ma nau tâm rnglăp bah ăp rnoi. Bôk nau kan tâm rlong ăp ntil nau ơm, nau njroh mprơ ueh đah âk nau ƀư ăp ntil. Tâm nar rgum dăch lôch, rnâng kan hŏ pă nau kơp dơn ân ăp rmôt geh nau dơi tâm ăp nkô̆ nau ƀư, pă bằng khen ân 20 rmôt geh nau blau tâm nau ƀư ndrel râng Nar rgum ăp nau ơm yau ăp rnoi n’gor Dak Lak năm 2023./.