Jêh 3 nar ƀư khuh n’gôr đah âk nau kan ueh bah ăp nau ơm yau ăp rnoi nkuăl Tây Nguyên, măng 1/12, ta Quảng trường 16/3, nkual ƀon têh Kon Tum, n’gor Kon Tum, Bộ Văn hoá, Thể thao ndrel pâl n’aih hŏ mbơh lôch nar rgum, Lôch ăp nar rgum Văn hoá, Thể thao ndrel pâl n’aih ăp rnoi nkuăl Tây Nguyên tal bôk năm năm 2023. Tĭng nau mbơh năl bah Rnâng kan, nar rgum aơ hŏ rgop nau ƀư n’hao lơn nau tâm rnglăp ăp rnoi, ryơk, ƀư ueh ăp nau khlay ơm yau ơm ueh bah ăp rnoi mpôl tâm nkuăl Tây Nguyên lah êng ndrel ăp nau khlay nau ơm yau bah 54 rnoi mpôl Việt Nam lah nsum.

Tâm nar lôch aơ, rgum ăp nar, Rnâng kan hŏ mbơh, pă nkhôm âk nau dơi, nau nkhôm ân ăp nghệ nhân ndrel ăp rmôt geh âk nau blau ueh. Jêh nau ƀư lễ ndrel pă nkhôm, rlau 600 nŭih nghệ nhân, diễn viên, ăp nŭih tâm rlong ndrel ăp ntoh măt ndrel tâm kuăn ty njroh xoang, nkah tât nar mra geh tâm mâp tâm Nar Văn hoá, Thể thao ndrel pâl n’aih ăp rnoi nkuăl Tây Nguyên tal II năm 2026 mra geh ƀư tâm n’gor Lâm Đồng./.