Rơh tâm nchră lĕ geh dơn âk nău tâm rgop bâh ăp nuĭh way kan, nuĭh mĭn uănh, tâm rgop tay trong kan n’hanh nău mpŏng gay ma mât rbăy n’hanh n’hao nău khlăy bâh di sản aơ ta Dak Lak.

Đah bơi tât 20 tham luận n’hanh 10 nău tâm rgop nău sŏng dăng rta rơh tâm nchră, ăp đại biểu lĕ pă mbơh âk nău mhe, sƀ mĭn uănh na nê̆ gay ma ƀư kloh tay nău kan, nău khlăy bâh di sản văn hóa phi vật thể gâl ngih dak nău kuăl brah n’hao săk bâh nuĭh Bunong ta Dak Lak. Wa Nguyễn Anh Tú, groi kruanh UBND nkuăl Lăk an lah, aơ lah nău kan dŭt khlăy gay ma ta ntŭk geh tay ăp trong kan na nê̆ gay ma mât rbăy n’hanh n’hao di sản aơ tâm let năp tay.