Nar rgum pâl Văn hóa ăp rnoi mpôl đê̆ n’gor Gia Lai năm 2025 nchrăp rgum rlău 700 nuĭh blău mpât mprơ ta 17 nkuâl, thị xã n’hanh nkual ƀon têh tâm n’gor. Ntŭk rgum pâl ntơr uĕh văn hóa đah ăp nău kan  mpơl tay nău rêh rêh ơm tâm ƀon lan, nchreng an uănh uĕh ndơ nsoh, âm nhạc, ndơ sa way ơm n’hanh ăp nău pâl rlưn way ơm; ăp ndrơng ndơ kah khlay ta ntŭk kơt cà phê, ndrănh yăng, mƀêt prung, puăch gŭch… rgop mbơh nkoch jŏ mbâl n’hanh âk ntil văn hóa bah kônh wa ăp rnoi mpôl đê̆ tâm n’gor. Bu mprơ Nay Ka ta Bon Phu Ama Nhuer 2, xã Ia Rtô thị xã Ayun Pa an gĭt: năm aơ, mpôl mpât mprơ thị xã Ayun Pa lah 46 nuĭh mbra râng âk nkô̆ săk ntơr êng kơt nchreng an uănh chĭng gong, cheh tanh, râng ăp nău pâl rlưn way ơm.