Ôi 7/4, ta ntŭk pâl n’aih Leng Prenn Đà Lạt, n’gor Lâm Đồng hŏ ƀư nau nkah Lễ hội Giỗ Tổ Hùng Vương. Jêh nau ƀư  vơt lễ vật, mpoh kthup ôp brah Quốc Tổ ndrel ôp brah tâm đền thờ Âu Lạc tâm yôk Phượng Hoàng tâm ntŭk pâl n’aih Prenn, nkuăl ƀon têh Đà Lạt, rđau kan ndrel ƀon lan n’gor Lâm Đồng ndrel âk mpưm bu năch hŏ tât mpoh kthup Quốc Tổ.

Êng nau ƀư ôp brah, bôk nau kan Giỗ Tổ Hùng Vương năm aơ bah n’gor Lâm Đồng hôm geh nau ƀư njroh mprơ ơm ueh, pâl ăp nau: cờ tướng, hao n’gâng mbir, tôp glah uk, ntŭk tăch ndơ sa, ntŭk mbơh ngêt ăp ntil trà Việt Nam, thư pháp ndrel mpla n’hơ vẽ rup.

Ta Dak Lak, Lễ giỗ tổ Hùng Vương năm 2025 dơi ƀư khuh n’gôr ta ntŭk têl ơm yău gưl neh dak Đình Lạc Giao, nkual ƀon têh Buôn Ma Thuột. Lôch tŭr goh chĭng gong Rđe mbah rhơn bah rmôt gĭng gong buôn Ko Tam, Lễ giỗ tổ Hùng Vương ta Đắk Lắk dơi ƀư mprang uĕh đah nău way ơm tă bah rmôt tế Nữ quan ƀư. ăp đại biểu hŏ n’hơr nhang an hao n’hanh pla ndơ tuch tăm kah khlay ntĭt êng ta ntŭk hao ta bàn thờ Vua Hùng; mbơh n’hâm suan n’hanh chúc văn nkah tay nău dăng janh bah ăp Vua Hùng rơh rdâk njêng neh dak, rơh rlăch ndăng nsĭt tay nău đăp mpăn, dơn ngoăy neh dak.

Wa Nguyễn Tuấn Hà, Groi kruanh rnâng kan UBND n’gor Đắk Lắk ntơh măt n’gâng kan, ƀon lan ăp rnoi nuĭh n’gor Đắk Lắk mbơh nău dơi hao ăp Vua Hùng mpeh ăp nău dơi ma ƀon  lan  ăp rnoi nuĭh ta n’gor hŏ dơi geh tâm ăp năm rlău aơ.

          Tâm 2 nar rlu dŭt pơh ndrel nar rlu lễ Giỗ Tổ Hùng Vương (ntơm lơ 8-10/3 âm lịch), âk rbăn năch hăn pâl n’aih hŏ săch n’gor Kon Tum lah ntŭk tât ndrel đah ƀon lan tâm nkualư rƀŏng tât tu tơm rnoi mpôl, ƀư ân ueh nau vay ơm bah kon Lạc sau Hồng.

Ntŭk ƀư vơt âk ngăch tât ngăn ta Kon Tum tâm rnôk rlu Lễ Giỗ Tổ Hùng Vương lah nkuăl têh Măng Đen, nkuăl Kon Plông, đah bơi tât 20 rbăn tŏ nŭih. Êp nau hăn râng uănh âk ntŭk, uănh ăp nau ueh ơm bah ăp rnoi tâm ntŭk, âk bu năch hôm hăn tât ăp ntŭk ƀư ôp Brah Kđăch Hùng, kơt Đình Lương Khế tâm nkuăl ƀon têh Kon Tum, chùa Tháp Kỳ Quang, nkuăl Đăk Hà, gay ndrel ma ƀon lan mpoh kthup rƀŏng tât tu tơm yau ye./.