Tâm Bảo tàng Dak Lak, N’gâng kan văn hoá, Thể thao ndrel pâl n’aih Dak Lak tâm rgop nsum ma UBND nkual ƀon têh Buôn Ma Thuột ƀư nau tâm gŭ ur sai bah rnoi Rđe. Aơ lah nau kan tâm rnôk ƀư Nar rgum ăp nau vay ơm ăp rnoi n’gor Dak Lak. Tĭng nau vay rnoi Rđe, nau gŭ sai geh tâm rnôk ma lôch nau tâm nchră gŭ tĭng sai ngih đah sai, ndrel ngih bu ur hŏ leo tŏng ăp ntil ndơh ndơ, drăp ndơ tĭng nau đă bah ngih đah sai rnôk ma bar ding hŏ lôch nau ƀư tâm ôp ndrel tâm ton tâm gŭ bah năp nê.

Rnôk aơ, bar đah rnăk vâl hŏ ndơn gay ma ân bar hê ur druh sai ndăm hăn tĭng gŭ ngih ur. Bar hê ur sai mra hăn ntơm ngih mpeh ur gay ma ƀư ăp nau vay bah nơm. Tâm rnôk hăn tât ngih vơt sai mra mâp du đê̆ ntil nau kơt lah geh nŭih tâm băl mpôl bah rnăk bu ur lĭk lôr, ƀư mô nơih. Nau ƀư gŭ sai bah bar đah rnăk vâl tâm ban đah bar hê ur sia mom mra hăn sĭt mpeh đah ur, ndơn nau rhơn bah ăp oh nô băl mpôl. Ngih mpeh ur kât ndrănh ndrel jă ăp nŭih sông piăng, ngêt ndrănh ueh lăng./.