Mpla nsơ 189 tác phẩm bah 131 nghệ sĩ chŭp rup ta lam dak, nkoch nău rêh, văn hóa n’hanh nău way ơm bah 54 rnoi nuĭh Việt Nam. Ăp tác phẩm dơi rlă ta âk nkual neh ta lam dak, nkoch kloh nău uĕh tâm nău rêh gŭ âm, pah kan, nchroh rƀŭn n’hanh kho ao way ơm bah tĭng rnoi nuĭh.

Tĭng wa Trần Thị Thu Đông, Kruanh Rmôt Nghệ sĩ Chŭp rup Việt Nam, mpa nsơ săk rnglăy bah rơh rgŏ jă lam dak n’hanh săch na nê̆ tâm rlău 4.000 tác phẩm râng. Aơ mô knŭng lah nău ƀư nghệ thuật ma hôm rgop mpla nsơ rup ndah neh dak, kon nuĭh Việt Nam tât đah ƀon lan n’hanh năch pâl nđaih. Tă bah ăp tác phẩm, mpôl rdâk ƀư mpŏng rêng hvi nău rŏng văn hóa way ơm, n’hao nău wât mât ndrăy n’hanh ƀư uĕh lơn bah ăp rnoi nuĭh tâm nău rêh mhe. Mpla nsơ mbra ƀư tât lĕ lơ 6/4 tât.