Măng 21/11, ta Nkual ƀon têh Đà Lạt (Lâm Đồng) lĕ ntơm ƀư tâm nđŭr phim Việt Nam rơh tal 23. Groi Thủ tướng  Chính phủ Trần Hồng Hà râng ntơm ƀư. Đah nău ngơi “Ndâk njêng công nghiệp điện ảnh Việt Nam ndrŏng ntơr ang rnoi nuĭh, mhe n’hanh nău rêh uĕh”, Tâm nđŭr phim Việt Nam rơh tal 23 geh rnoh phim râng âk ngăn bah sa ơm tât aƀaơ.

Tâm nĕ, geh 91 kôp phim dơi săch an râng tâm rlong, n’hanh 56 kôp phim dơi săch tâm bôk nău kan phim lĕ rngôch ntŭk ƀư. Ntoh ngơi ntơm ƀư, Griu Kruanh N’gâng kan VHTT n’hanh Pâl Nđaih Tạ Quang Đông, Kruanh Ban ntĭm rđău Tâm nđŭr phim Việt Nam rơh tal 23 mĭn lah, tâm nđŭr phim rơh aơ lah di an điện ảnh Việt Nam nkoch tât nuĭh uănh ăp tác phâm điện ảnh uĕh mpeh âk ntil, âk bôk nău, trong ƀư, nkoch lah âk trong uănh mpeh nău rêh bah ăp nuĭh ƀư phim, rƀŏng tât ndâk njêng công nghiệp điện ảnh Việt Nam ndrŏng uĕh rnoi nuĭh, mhe n’hanh di nău rêh.