Ôi 17/11, ta dak me Pô Cô, Ủy ban nhân dân nkuâl Ia Grai, n’gor Gia Lai hŏ ntơm pơk tâm rlong duk lôk si n’hanh Liên hoan Văn hóa Chĭng gong. Tâm rlong duk lôk si ta dak me Pô Cô năm 2023 geh 39 rmôt duk. Ăp rmôt geh 2 hê mbra tâm rlong duk lôk si đah jong 1000m.

Nkhêp geh rnôk dja 13 rmôt chĭng gong, 14 rmôt dân vũ bah 13 xã, thị trấn, nhih pah kan, đơn vị bah nkuâl Ia Grai, nkuâl Đức Cơ n’gor Gia Lai n’hanh nkuâl Ia H’Drai (n’gor Kon Tum) nchreng an uănh ăp nău njroh mprơ săk ntơr uĕh bah nar tâm rlong. Lễ Hội tâm rlong duk lôk si ta dak me Pô Cô n’hanh Liên hoan văn hoá Chĭng gong dơi nkuâl n’har bri Ia Grai way ƀư  ăp năm gay mât ndray, ntik n’hao nău way ơm, rup uĕh văn hóa bah nuĭh ƀon lan.