Tâm nau ƀư nar rgum Văn hoá, Thể thao ndrel Pâl n’aih nkuăl Tây Nguyên tal 1 năm 2023, ta nkual ƀon têh Kon Tum, n’gor Kon Tum geh ƀư ăp nau kan mbơh ăp ntil ndơ sa kah bah ăp rnoi nkuăl Tây Nguyên. Râng tâm rlong nkoch mbơh ndơ sa bah ăp rnoi nkual Tây Nguyên geh ăp rmôt bah 4 tâm 5 n’gor, geh: Kon Tum, Gia Lai, Dak Lak ndrel Lâm Đồng.

Đah nau gâm ndơ sa kah bah rnoi nơm, ăp rmôt bah 4 n’gor mbơh nkoch ndơ sa, ndơ ngêt bah rnoi nơm. Nkoch rlau 10 ntil ndơ sa geh gâm, nŭih ƀon lan ndrel bu năch geh sa ăp ntil ndơ sa kah bah rnoi K’ho tâm n’gor Lâm Đồng, jêh nê lah ndơ sa bah rnoi Jeh Triêng tâm Kon Tum.

Ueh ngăn lah ndơ gay ma gâm ăp ntil ndơ sa geh ăp nŭih nchrăp ueh ndrel ngăn lah tă bah bri. Êp ăp ntil ndơ sa, dak ngêt kah, kơt piăng prung, puăch djar gŭch, ndrănh yăng... Du đê̆ nŭih hôm nkoch ăp ntil ndơ sa geh nkra tă bah ăp ntil ndơ OCOP yor ƀon lan nơm ƀư jêng./.