VOV4.M'nông: Mĭn lah lôch uănh năl lam lĕ rngôch, dăp rgum 3 ntil bri ta Nghị quyết 100/NQ-HĐND nar 7/12/2017 (năm kan 2019-2020) geh tih, mô hôm tâm di đah trong nchrăp hun hao  wăng sa- rêh jêng kon nuĭh bah n'gor, UBND n'gor Gia Lai hao mbơh rblang tât rơh hop tâl 2, HĐND n'gor Gia Lai năm kan mhe (2021- 2026) mĭn uănh, an dŏng lôch jêh ôp uănh tay lam lĕ rngôch, rgâl di dăp rgum tay, bri lvang năm 2025, uănh ngai tât 2030. Tĭng nê, mpeh nkrum lam, dăp rgum bri bah n'gor Gia Lai hŭch 18.000 ha. Dŭt njrăng, hvi neh bri dŏng kan dăn đă kơi ntop tay rlău 32 rbăn ha n'hanh ndơ̆ rlău 44 rbăn ha luh bah dăp rgum bri gay rhŏ dŏng hun hao wăng sa- rêh jêng kon nuĭh. Ăp nkual bri dơi đă n'gluh bah ntŭk dăp rgum, lơn âk mpeh ntŭk nchrăp ƀư dak bât Ia Mơr (nkuâl Chư Prông), dak bât Ia Thul (nkuâl Ia Pa n'hanh Krông Pa) n'hanh ăp trong nchrăp êng ƀa ƀă kơt dăp rgum ŭnh nar, ntŭk ntô dŏng an wăch rgum ntuh kơl, pâl nđaih… Lôch rnôk dơi rgâl, hvi neh bri tăm hŭch rlău 47.200 ha./.

Nuĭh rblang: Điểu Thân