VOV4.M’nông – Jêh 2 nar rhoăt ndăn nchrăp, ôi 19/6, TP.HCM ntơm ƀư chuh vaccine Covid-19 têh ngăn bah sa ơm tât aƀaơ. Aơ lah vaccine 836.000 dĭng mhe dơi Chính phủ pă an TP.HCM mbra ƀư chuh vaccine 836.000 dĭng tâm nar bah 5-7 nar, ntơm bah nar 19/6, đah âk 1.000 ntŭk chuh. TP mbra rgŏ jă lĕ n’hâm soan bah rmôt kan bah ăp ntŭk kan mpeh tâm N’gâng kan dak si ta nkual ƀon têh HCM, ăp ngih dak si nkual ƀon têh, quận, nkuăl; ăp ntŭk kan ngih dak si ƀư êng, ntŭk dak si xă.... gay tâm di lam hvi, ngăn lĕ an. Aƀaơ n’gâng kan dak si lĕ ƀư nklăp 500 rmôt chuh ta ăp ngih dak si đa khoa, ngih dak nkuăl, nchră ăp ndoh ndơ gay ƀư chuh an ăp nuĭh tĭng nău ntrŭnh. TP.HCM dôl ƀư tiăr nti tŏng ăp đăp mpăn chuh an ăp rmôt chuh.

Nŭih rblang: Y Sưng Phê Ja