VOV4.M’nông: Nkual ƀon têh Hồ Chí Minh moh ndơ ƀư gay jêng ngăn ngăn nău ŭch hao tâm ban đah ăp nkual ƀon têh tâm nkual Đông Nam Á. Nê lah nkô̆ ma ăp nuĭh râng rgum tâm nchră ta Tâm nchră Khoa học "Rƀŏng trong hun hao Nkual ƀon têh Hồ Chí Minh rơh 2021- 2030 n'hanh uănh jong ngai tât năm 2045" tă bah UBND nkual ƀon têh ƀư ôi 5/5. Tâm nchră hŏ dơn geh rlău 80 nău dăn đă bah ăp nuĭh rnâng kan, nuĭh khoa học, kruanh rđău kan ăp n'gâng kan, viện trường, ăp n'gor tâm Nkual wăng sa tơm khlay mpeh bah dâng. Ăp nău dăn đă lah rjăp, Nkual ƀon têh Hồ Chí Minh geh nău khlay ƀư bôk trong wăng sa, suan ntrôl gay hun hao an nkual wăng sa rgum tơm mpeh bah dâng n'hanh lam dak. Jêng, nău hun hao bah nkual ƀon têh lah suan ntrôl an hun hao bah lam nkual, lam dak. Nkual ƀon têh hŏ ntrŏng hun hao tĭng trong nkual ƀon têh nâp dăng, nkual ƀon têh geh ăp tŏng nău lư ri ân ntrôl ngăch brăt mbrô, tĭng ƀư n'gâng kan mbrô, nău rêh jêng mbrô, n'hao săk geh rhŏ dŏng nău kan nsum./.

Nuĭh rblang: Điểu Thân