VOV4.M’nông: Ta rơh hop pơk sŏng dăng kêng măng nar 17/6 đah Nkual ƀon têh Hồ Chí Minh n'hanh n'gor Bắc Giang, Groi Thủ tướng Vũ Đức Đam, Kruanh Ƀan rđău đă gưl neh dak njrăng n'gang nuh srê Covid-19, njrăng đă Nkual ƀon têh Hồ Chí Minh n'hao dăng tay uănh năl mham, ơm năl tơm nuh srê gay rgum nchih êng, nsrôih mô an gŭ srang ngai êng lam nkual ƀon têh jŏ ir n'hanh der bah geh nău mât uănh lhoi tâm nkual mpă wêl, gŭ srang ngai êng lam nău rêh. Bôk năp mô rvê đah nău dơi uănh năl mham bah Nkual ƀon têh Hồ Chí Minh hŏ n'hao âk 30.000 test đơn/1 nar aƀaơ, Groi Thủ tướng Vũ Đức Đam njrăng đă Nkual ƀon têh Hồ Chí Minh ân tĭng ƀư jăp ăp quy định njrăng n'gang nuh srê, nsrôih nking nchăng, mô an geh nuh srê ntưp rêng tâm nkual công nghiệp. Hôm ta Bắc Giang hŏ an 123 doanh nghiệp plơ̆ kan tay đah bơi 20.000 công nhân pah kan. Tĭng Groi Thủ tướng Vũ Đức Đam, n'gor Bắc Giang ân tâm pă nkual an gŭ rgum êng hôm geh nuĭh ji n'hanh nkual âk nar mô hôm geh F0, ntơm bah nê rgum ăp trong nkra gay lơh bah ngăn ta ăp ntŭk gŭ rgum êng mô hŏ đăp mpăn./.

Nuĭh rblang: Điểu Thân