VOV4.M’nông: Ntơm lơ 1/7 tât rnôk aơ, tâm ăp nar nkuăl ƀon têh Hồ Chí Minh kơp dơn geh 1.305 nŭih ntưp mhe, ngăn lah tâm ntŭk nkhah rgum nsum, nchueng rdâng. Yơn lah, n’gâng kan dak si hôm saơ âk nŭih ntưp bah nau xét nghiệm uănh tâm ƀon lan ndrle bah nau uănh tâm ngih dak si. Rnôk aơ, nkuăl ƀon têh Hồ Chí Minh geh bơi tât 205 nŭih dôl sŏ n’hâm ma máy ndrel 7 nŭih dôl ma dŏng ECMO. Mpeh nau nkhah, êng 14 ntŭk nkhah rgum F1 hĭ geh, nkuăl ƀon têh Hồ Chí mInh ndâk tay 88 ntŭk nkhah rgum, đah nau dăng 10 rbăn nsưng ndrel 55 ngih rlu đah n’hâm dăng geh 4000 nŭih gay ma nkhah F1. UBND nkuăl ƀon têh hŏ ntrŭnh nau đă ân nsrŭng ăp ntŭk mô geh nau dăng nâp njrăng srê tă bah lơ 15/7. Rnôk aơ geh 216 ntŭk kan đăng ký nkre nkhah, nkre kan, tâm ne êgh 205 ntŭk kan dôl ma ƀư./.

Nŭih rblang: H’Thi