VOV4.M’nông: Ôi lơ 7/5, hŏ geh rơh pă nklâm ndơ bah UBND nkuăl ƀon têh Hồ Chí Minh ân n’gâng kan 2 Thủ đô Phom Penh ndrel Viêng chăn gay kơl an nkuăl ƀon têh aơ tâm nau kan njrăng rdâng srê Covid-19. Nau kan nê hŏ geh ƀư đah nau trực tuyến tâl 03 ntŭk trong ƀoh rup, ƀoh ngơi tâm nkuăl ƀon têh Hồ Chí Minh, Phnom penh ndrel Vieng chăn đah nau râng bah Kruanh UBND nkuăl ƀon têh Hồ Chí Minh Nguyễn Thành Phong, Kruanh n’gor Phnom pêng, Khuong Sreng ndrel Kruanh n’gor Viêng chăn At-sa-phang-thong Si-si-phan-done. Ntoh nau ra nar rƀŭn, rđau kan nkuăl ƀon têh Hồ Chí Minh, Thủ đô Phnom pênh ndrel Thủ đô Viêng chăn ŭch lŏ mât nau tâm boh kan nsum rjăp đah n’gâng kan ndrel ƀon lan 3 nkuăl ƀon têh, mra ntrŭt dăng tâm boh, tâm nchră ăp ding, ngăn lah văng sa, tăch rgâl jêh bah srê geh nkân njrăng. Rơh aơ, Kruanh UBND nkuăl ƀon têh Hồ Chí Minh Nguyễn Thành Phong hŏ kơl an prăk măt rnoh 50 rbăn đola ân n’gâng kan ăp nkuăl ƀon têh Phnom pênh ndrel Viêng chăn./.

Nŭih rblang: H’Thi