VOV4.M’nông: Mbơh nau đah Groi Thủ tướng Rnâng kan Chính phủ Trương Hoà Bình tâm rơh rƀŭn lơ 1/6, Kruanh UBND nkuăl ƀon têh Hồ Chí Minh Nguyễn Thành Phong mbơh, bah năp nau geh bah srê ntưp tâm ăp ntŭk kan công nghiệp, ntŭk ê nkra, dăch tât nkuăl ƀon têh mra ntrŭnh nau kan nkre rdâng srê nkre đăp mpăn nau ê nkra gay ma njrăng nau ntưp srê lah geh. Nkuăl ƀon têh kŏ ntơm lăp ƀư nau kan tal 2 ân ăp ntŭk kan geh nau khuch yor srê Covid-19. Rnôk aơ, nkuăl bon têh Hồ Chí Minh kơp dơn geh 3 nŭih ntưp rnôk pah kan tâm 3 nkuăl công nghiệp lah: Nkuăl công nghiệp Tân Bình, nkuăl Công nghiệp Tây Bắc Củ Chi, nkuăl Công nghiệp Vĩnh Lộc-Hóc Môn. Tĭng wa Nguyễn Thành Phong, Kruanh UBND nkuăl ƀon têh Hồ Chí Minh, bah năp nau ntưp âk, ngoai tâm ăp ntŭk ân geh rgum lah sŏk ndơ ân nŭih pah kan tâm ăp ntŭk pah kan êng. Rnôk aơ, nkuăl ƀon têh geh 1.600 công nhân. Êng ntŭk kan công nghiệp, ntŭk ê nkra geh 280 công nhân ndrel 3000 nŭih, ntŭk kan công nghiệp prêh lah 45 rbăn nŭih./.

Nŭih rblang: H’Thi