VOV4.M'nông: Bộ Công nghiệp, tăch rgâl n'hanh ndơ mpêt khlay Hàn Quốc mhe an gĭt nsĭt geh tăch n'gluh 7 khay geh 55,44 rmen prăk, hao bơi 30% rđĭl đah ndrel khay dja năm e nơh. Lĕ rngôch nsĭt geh tăch n'gluh tâm 7 khay aơ geh bơi 360 rmen đôlar. Nsĭt geh tăch n'gluh ăp ntil ndơ tơm khlay kơt chíp bán dẫn, chế phẩm hóa học, máy móc dŏng tơm, ndeh ôtô tât ăp dak kơt Mỹ, Trung Quốc, châu Âu hao da dê. Lơn lah, nsĭt geh tăch n'gluh chíp bán dẫn geh 11 rmen đôlar, hao bơi 40% rđĭl đah ndrel khay dja năm e nơh. Rlău ma nê, tăch n'gluh ăp ntil ndơ hun hao mhe kơt dak si nkrơ̆, ndơ sa ngăch geh ăp nău dơi âk đŏng. Chính phủ Hàn Quốc mpŏng trong rƀŏng dja tâm n'gul kêng dŭt năm aơ, nău ŭch nsĭt geh tăch n'gluh bah lĕ ma năm rlău 600 rmen đôlar./.

Nuĭh rblang: Điểu Thân