VOV4.M'nông: Nsĭt geh tăch rgâl đah Nga n'hanh Trung Quốc tâm 5 khay bôk năm aơ hao rlău 23% rđĭl đah ndrel khay dja năm e nơh, geh 50 rmen 650 rkeh đôlar. Tĭng rnoh nchih rgum bah Tổng cục hải quan Trung Quốc mbơh nar 7/6, tăch n'gluh bah Trung Quốc tât Nga hao rlău 35%, geh bơi 23 rmen đôlar. Tâm rnôk rvăt n'glăp bah Nga hao rlău 15%, geh bơi 28 rmen đôlar. Bah năp nê, tâm nar 4/6, Ta rơh rgum nchră wăng sa dak bah dih Saint Petersburg, Tổng thống Nga Vladimir Putin an gĭt, Nga n'hanh Trung Quốc mbra nsrôih n'hao geh tăch rgâl bar ding hao tât 200 rmen đôlar tâm năm 2024. Nsĭt geh tăch rgâl Nga- Trung Quốc hao âk an saơ bar dak dja hŏ geh ăp trong nkra wăng sa geh nău tam gay nkra bah tât khuch nuh srê lơh, tâm rnôk nuh srê têh Covid-19 khuch hô tât jâng wăng sa lam ntŭr neh tâm ban kơt tâm rsong tăch rgâl đah ăp dak đŏng./.

Nuĭh rblang: Điểu Thân