VOV4.M’nông: N’gâng kan ntĭm nti mhe rgum rƀŭn trực tuyến lôch năm nti 2020-2021 ndrel ntrŭnh nau kan tâm năm nti 2021-2022 đah ntĭm nti tiểu học. Năm 2020-2021 lah năm nri ma gưl nti tiểu học geh lam ƀon lan uănh njrăng, yor aơ lah năm nti bôk năp bah gưl ni aơ geh ƀư tâm năm ntĭm nti kơt năm 2018. N’gâng kan ntĭm nti hŏ uănh aơ lah năm nti ƀư bôk nau kan, săm ƀŭt ntơm jrâu 1 ndrel geh nau đă bah ăp ntŭk kan ntĭm nti nchrăp rdâng đah nau kan ntĭm nti ân tâm di đah nau geh srê Covid-19.

Năm nti 2020-2021 lah năm ueh ngăn đah ntŭk kan ntĭm nti lah nsum ndrel ntĭm nti tiểu học lah êng rnôk ma lam dak ƀư Bôk nau ntĭm nti mhe đah jrâu 1. Ntơm bah bôk năm, nau ntrŭnh ntu, săm ƀŭt mhe đah jrâu 1 ndơn geh nau kơl âk ngăn. Ăp ngih săm ƀŭt tâm lam dak kơl an ƀư đăp mpăn rnoh du jrâu nti ri nti du jrâu. Wa Hoàng Quốc Tuấn, Giám đốc N’gâng kan ntĭm nti n’gor Lạng Sơn mbơh:

‘Bah nau kơp, dăp rgum, pă jrâu nti, kơl an jâh jrâu 1 lah jrâu 2, đăp mpăn ăp jrâu 1 jrâu nti gay ăp kon se dơi geh nti tâm du nar, đăp mpăn nau ntĭm nti mhe”.

Tĭng wa Trần Thị Minh Thu, Kruanh n’gâng kan ntĭm nti Tiểu học, N’gâng kan ntĭm nti Lào Cai, ndrel ma nau nchrăp rmôt nau ntĭm nti, ndơ dŏng kŏ dôl geh uănh kơl an, ntĭm nti, mât đăp mpăn nau ntĭm nti, săm ƀŭt nti mhe:

‘Đă bah phung hên lah leo luh nê lah nai nti ân geh nau blau, ntĭm nti ân ntĭm ân mbrơi, nâp ndrel geh nau nâp. Ăp nau ntĭm nti ma nai ndŏ luh ân ăp kon se nti gay ma ntĭm nti tĭng n’hâm bah ăp kon se, ntŭk tât nti ri kon se ân dơi geh răk ndrel blau nchih tât ta nê”.

Tâm rnôk dôl geh srê Covid-19 tât, lam n’gâng kan ân geh ƀư 2 ntil kan: nkre ƀư nau njrăng rdâng srê nkre ntrŭnh ƀư Bôk nau kan ntĭm nti 2018 đah jrâu 1. Nchră tât nau ƀư nau tă geh bah kon se jrâu 1 tâm lam dak năm 2020-2021 ân saơ, 41% kon se geh nau dơi nau kan ntĭm nti; 15% kon se geh nau dơi, 41% geh nau dơi ndrel 15% rnoh kon se ê geh nau dơi. Rđil đah bôk nau ntĭm nti bah năp nơh ân saơ, rnoh kon se ê geh nau dơi tâm ban. Yơn rnoh kon se ƀư jêh dơi ndrel rlet nau dơi bôk nau ntĭm nti geh hao âk lơn. Wa Nguyễn Hữu Độ, Kruanh n’gâng kan ntĭm nti ân lah, aơ lah nau tơm gay ƀơ bôk nau kan ntĭm nti mhe đah jrâu 2 tâm năm nti 2021-2022. Tâm nê, nau ân geh uănh kơl bôk năp lah nau ntuh kơl ân ăp rmôt nai nti:

‘Ân geh nau ntuh kơl mpeh nai ntĭm nti, ăp nŭih nai ntĭm nti ngăn nâp nâl bleu mpeh nau kan, nau ƀư geh nau gơih n’ơr ngăn lah ân geh ntĭm nti mpeh nau kan, nau ntĭm, ân geh gĭt bôk nau ntĭm nti mhe tĭng nau ntĭm nti hun hao nau dơi. Aơ lah nau khlay gay ma ntrŭnh tât nau geh dơi bah nau rgâl mhe nau kan ntĭm nti”.

Ndrel ma nau nchrăp ndrel du đê̆ nau geh kơp dơn, năm bôk năm ntrŭnh bôk nau kan ntĭm nti năm 2012 ntơm jrtâu 1, nau nâp bah nau nti ndrel cán bộ mât nau kan ê geh tâm ban, ngăn lah tâm ăp nkuăl geh nau rêh văng sa, rêh jêng hôm âk nau jêr geh nau tâm ƀah ngăn rđil nkuăl êng. Rnoh nai nti ndrel cán bộ mât nau kan ê geh tâm ban. Du đê̆ nkuăl mpeh nau kơl an, tơm prăk gay ma săch, leo nai ntĭm nti kon se, geh ntŭk mô tŏng nai. Ngih nti du đê̆ ntŭk ê gehh tŏng nâp ueh gay ma ƀư bôk nau kan ntĭm ndrle nau ŭch ntĭm nti êng êng. Năm nti 2020-2021, lam dak geh 14 rbăn 786 nti nti ƀư Bôk nau kan ndrel ntĭm nti phổ thông gưl tiểu học, đah 16 rbăn 323 ngih săm ƀŭt năm nti 2019-2020.

N’gâng kan ntĭm nti hŏ ndŏ luh 5 nau kan đah âk nau ngăn ân nau ntĭm nti tiểu học năm 2021-2022. Ngăn lah, lŏ ntrŭnh ƀư ân nâp bôk nau kan ntĭm nti năm 2018 đah jrâu 1, jrâu 2 ndrle ƀư ân nâp ngăn bah bôk nau ntĭm nti năm 2006 nrtơm jrâu 3 tât jrâu 5. Tâm rnôk srê nuh kơt aơ, N’gâng kan ntĭm nti Nguyễn Kim Sơn ân lah, năm nti aơ tă, lam n’gâng kan an rgum n’huch ngăn nau khuch bah ntĭm nti geh tât srê nuh. Lôch n’hâm ƀư ân jêh nau kan, đăp mpăn ngih nti ân geh đăp mpăn bah năp srê ji:

‘Gâp ŭch lah rjăp lah nơm ân geh ntrơn ntơm bah nau ntĭm nti, yơn nau kan khlay lah mhâm nơm ntrơn, moh nau ntrơn, ntrơn moh ŭch ƀư? Ri nơm ân geh ntrơn jêng du nau kan ân geh ueh lăng nâm ơm mhe, ăp ntŭk ma mô geh nau nơih tâm nau njrăng rdâng srê ri nơm ân ntrơn jêng nau ueh mhe êng. Njrăng rdâng srê, rklaih nau khuch bah srê”.

N’gâng kan ntĭm nti kŏ đă ăp n’gor ân geh kơp uănh tay rnoh hao mhe bah ndrel nau geh êng bah kon se tâm rnôk nau tât khuch bah srê nuh. Êp nau kan mpeh nau nâp geh tât nau kơl an ăp kon se hăn nti, ngăn lah rnôk ma nau geh jêng văng sa bah ăp rnăk vâl geh nau khuch yor srê Covid-19. Ngăn lah, âk ntil nau ƀư ăp nau kan ntĭm nti ân geh rklaih ân năn, rdâng đah ăp nau tât khuch bah srê Covid-19. Nchrăp ăp nau kan, nau ƀư ân n’hêl gay ma ƀư nau ntĭm nti ân tâm di đah nau geh bah srê nuh ndrel nau dơi rdâng ân geh tŏng dơi bah n’gâng kan ntĭm nti kŏ kơt lah lau dơi ngăn bah nŭih ntĭm nti./.

Nŭih rblang: H’Thi