VOV4.M’nông: Nau rêh tâm Triều Tiên jêr ân mô geh ji ngot ndrel du đê̆ tŏ leo ndoh ndơ tâm nkuăl n’har bri lăp tâm Triều Tiên ơm geh nthoi. Nŭih kan ntoh măt bah Nga ta Bình Nhưỡng Alexander Matsegora hŏ mbơh kơt nê jêh rnôk rđau kan Triều Tiên Kim Châng Un mbơh Triều Tiên dôl rdâng đah nau mô ueh.  Pơh bah năp, rđau kan Triều tiên Kim Châng Un hŏ kuăl jă ăp n’gâng kan tâm nau ƀư du rơh “hăn kan mâp jêr” kơt lah pah kan ndrel kơl ân lơn rnôk păng geh mâp ma nau rŭng răng văng sa ji ngor tâm aơ năm 1990. Ntoh măt bah Nga lah ngoai tâm đê̆ nŭih tă bah dak ba dih gŭ tâm Triều Tiên mbơh, bol ma mô gĭt kloh nau ŭch ma rđau kan Kim châng Un mbơh, yơn rnôk aơ mô geh kơt ntơm nơh ndrel nau khlay lah mô geh nau ji ngot tâm Triều Tiên./.

Nŭih rblang: H’Thi