VOV4.M'nông: Nuĭh ntơh măt nhih pah kan dak si lam ntŭr neh (WHO) ta Campuchia Li Ailan lah rjăp dak Đông Nam Á dja dôl tâm rnôk n'gâng tơm pah kan njrăng n'gang nuh srê COVID-19 n'hanh kuăl jă nuĭh ƀon lan dak dja geh nău tâm boh, râng nsrôih nsum gay pah kan njrăng n'gang nuh srê geh nău tam âk. Tĭng nău mbơh bah Bộ Y tế Campuchia, dak dja hŏ năl geh rlău 38.427 nuĭh ntưp đah SARS-CoV-2, tâm nê geh 335 nuĭh khĭt. Tâm rnôk nê, wa Li Ailan mĭn lah ân ƀư ăp ntil gay nking nchăng dơi kaman SARS-CoV-2 ntưp rêng, lơh khuch mpeh wăng sa, rêh jêng kon nuĭh n'hanh n'hâm suan ƀon lan. Wa Li Ailan lah rjăp ân uănh khlay tĭng ƀư ăp tŏng ăp trong nkra njrăng n'gang nuh srê kơt wăn bok put mbung n'hanh gŭ srang ngai êng lam rêh jêng kon nuĭh./.

Nuĭh rblang: Điểu Thân